RSS

Balada Juwariyah

BALADA JUWARIYAH
KEMBANG PELANYAH
Dening : Poer Adhi Prawoto

Juwariyah kembang pelanyah
Telung ketiga atine growah digawa lumayu mangsa bedhidhing
Saka paran padesan kang tintrim
Sadalan-dalan uripe ing bengi ginanthang
Ngetung watu lan lintang rembulan
Juwariyah lawas ninggal bale omah
Panggah tatu-ati njarem mbrongkah
Guru laki kang tinggal glanggang
Jati-jatining lanang
Jebul kidung kadurakan gandhang ngumandhang

Juwariyah saiki ing dalan
Pategaran papan panguripan
Kekitrang madyaning palagan
Tempuking andon katresnan
Kanggo mburu dina sesuk dimen ana sega sapuluk

Juwariyah mung pawitan wedhak pupur
Kambi si lintrik burik nunggu ngisor cagak listrik
Saben-saben wong lanang liwa, celathune:
“mangga mase, kula dereng kangge
Mang gawa teng pundi kula dhereke!”

Juwariyah, oh Juwariyah
Kaya urip tansaya peteng lumaku tanpa arah
Pandoming urip musna mangsa-mangsa sesulak kang bakal teka
Apa ora kok papag kanthi tumenga
Kencana selaning mega

Uripmu mung nggege ati lanang
Kang kagiwang hardaning kamurkan
Ajining dhiri kaya boneka murahan
Kang bisa dilela-lela dianggo dolanan
Yen wis bosen dibuwang kaya larahan
Juwariyah yen grimistumiba
Ndhepipis ing pojok emper cina
Kadhangkala mekrok ing warung sepa
Amor pajaring cahya abang lentera
Manjer umbul-umbul lan gendera

Juwariyah lumayu saka jatining katresnan
Lajering bebrayan kang gumebyar pindha mutyara barleyan
Nanging dinane wis tansaya lungse
Ing grumbul padesan kaya wis entek pangarep-arepe
Semboyane urip iki rak mung mampirngombe

Juwariyah kembang pelanyah kang lencir kuning
Raine pucet, kamangka jagade isih akeh banyu bening
Srengenge kang sumunar jembar
Samar-samar keprungu
Jeriting atimu sawijining guritan jaman kang tansah bae dumeling”
(Mekarsari No.18, 15 November 1981)

 

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

 
forumwayang

Ngrembug Wayang

andhalang

꧎ꦺꦃꦻꦁꦕꦄꦶꦼꦄꦆꦶꦍꦸꦊꦞꦶꦼꦀꦼꦓꦶꦁꦿ꧋

indonesiawayang.com

Media Berbagi Para Pecinta Wayang

Maskur's Blog

Menyusuri Jalan Rusak

rykiriko

This WordPress.com site is the bee's knees

SUJARNO DWIJO SUSASTRO

Sinau Basa Jawa Klungsu-Klungsu Yen Udhu

Seputarafitta's Blog

Just another WordPress.com weblog

%d blogger menyukai ini: