RSS

Gurit Narkoba

NARKOBA
Dening : Nyi Sri Supadmi Soediarto S.

 

N A R K O B A
Angrusak jiwa raga
Wong atuwa dalah para putra
Wajib den samya waspada
A ngisep narkoba, ateges:
Anglakoni maksiat
Ambutut setan bejat
Angetut, iblis laknat
R aga remuk jiwa ambruk
Anerak wewaler agama
Anabrak paugeran nagara
Datan eman nyawa priyangga
K asengsem seneng marem mendem
Telerkajodersarwa lower
Iman nurani oncat
Keblat, kinipat
Nyawa melu pecat
O ntran-ontran anjedhul
Uripe amburadhul
Dhuwit, modhal-madhul
Bandha mrucut, omah katut
Nyopet, ngrampog dadi baut
Kunjara anjumput, amikut
B apa biyung bingung
Kagodha yoga pengung
Kagulung katenung
Narkoba ndlarung agawe linglung
A llah mugi tumuli arsa amrepegi
Lampah kang anjejemberi
Angetut hardaning napsu bilai
Angendhat angluru pati
(Sempulur No. 22/XII/2007)

 

NARKOBA
Dening : Dyah Manggalaratna Nuruljanati

Barang haram kuwi ajakok sanak
Aja kokcedhaki lan kokicipi
Bisa marakakelali aturan
Gegayuhan cabar, urip dadi rugi
Uga bisambubarake sekolah
Murih ora gampang kapilut, disregepi olehe ngaji,
Kawruh agama lan ibadah ditambah, supaya dadi bocah nggenah
(Djaka LodangNo.19 : 7 Oktober 2006)

 

KELUK SETAN
Dening : Sdwijosusastro

Mripat cowong lumaku sempoyongan
Kinupeng keluk-keluk setan
Mbaka siji nyuduk napas-napas mudha
Ngrontog iga-iga garing jiwa aking

Ngger, ……
Keluk-keluk kang mbok unjuk
Jarum-jarum kang nusuk
Ndadekake jiwamu ngalumpruk!

Keluk-keluk setan
Lumaku liak-liuk
Nusuk dhadha mudha jiwa krupuk
Lerena ngger……!!!!
Mundhak negaramu ambruk!

 

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

 
forumwayang

Ngrembug Wayang

andhalang

꧎ꦺꦃꦻꦁꦕꦄꦶꦼꦄꦆꦶꦍꦸꦊꦞꦶꦼꦀꦼꦓꦶꦁꦿ꧋

indonesiawayang.com

Media Berbagi Para Pecinta Wayang

Maskur's Blog

Menyusuri Jalan Rusak

rykiriko

This WordPress.com site is the bee's knees

SUJARNO DWIJO SUSASTRO

Sinau Basa Jawa Klungsu-Klungsu Yen Udhu

Seputarafitta's Blog

Just another WordPress.com weblog

%d blogger menyukai ini: