RSS

Gurit Transportasi

PIT
Dening : Akhir Luso No
Prasaja malah kepara kesrakat kaya barang slangkrah
tanpa kapetung aji
yen ditemu Paijo si tukang rongsok kamangka kowe bakoh
sliramu miguna bisa mijeti raga
bisa nggawa wong kampiyun mrana-mrana
(Arak-arakan geguritan: Srengenge Emas)

 
SEPEDHAKU
Dening : Ardini Pangusti Bn

 

Matur nuwun sepedhaku
Kowe wis ngancani dina-dinaku
Jroning ngayahi kewajiban urip
Sing kudu makarya
Kanggo raharjaning kluwarga
Matur nuwun sepedhaku
Kowe wis ngancani dina-dinaku
Jroning tangis apa dene guyu
Nalika lakune nasib keponthal-ponthal
Ngliwati dalan nggronjal
Udan lan panas dudu alangan
Kowe tetep setya anyartani aku
Tumuju papan tujuan
Matur nuwun sepedhaku
Kowe wis ngancani dina-dinaku
Jroning anyikapi urip
Sing kudu dak lakoni
Minangka kuwajiban
Uga pengabdian
Marang Kang paring Gesang
(Djaka Lodang No. 50/XLI, 12 Mei 2012)

 
NGGENJOT SEPEDHA
Dening : Jarot Setyono

 
Nggenjot sepedha mubeng kampung
Rame-rame karo kancaku
Nggenjot ngiwa
Nggenjot nengen
Sepedhaku migat-migut
Nut wiramane sikilku
Sepedhaku migat-migut
Nut wiramane kekarepanku
Sepedhaku rupane abang
Jengki dudu ….
Mini uga dudu
Saben esuk daklapi nganggo gombal bludru
Paringane ibu
Katon bregas katon sehat
Ing ngisor talok cedhak bakul dhawet
Papan kang edhum kanggo njagang si-jrabang
Kancaku melu-melu
Nebas dhawete ….
Nebas jajane ….
Nggenjot maneh ….
Nggenjot maneh ….
Ngguyu maneh ….
Ngguyu maneh ….
Srengenge wis ngglewang ngulon
Sepedhaku kumleyang ing alam pangimpen
(Djaka Lodang No. 24/XXXVI, 11 Nopember 2006)

 
BECAK TUWA
Dening : Nuryanto

 
Thong-thong ing pinggir
Nyawang ubeking liyan rebut pakaryan
Ing dhuwur becak aku sangga uwang
Sawise sakesuk mubeng golek penumpang

Becak tuwa genti tak sawang
Ati welas mring kahanan
Sedhela maneh akeh angkutan
Bis lan taksi dadi saingan

Sapa kang gelem numpak becak tuwa
Kang swarane rante gawe gila
Becak tuwa becak sewan
Kanca urip golek pangan
(Djaka Lodang No. 23/XXXVII, 8 Nopember 2008)

 
ANDHONG YOGJA
Dening : Husen Kertanegara

 

Iki mung slilit
Sisa mangan wengi
Pesta wingenane
Ben jaran negar sakarepe dhewe
Andhong remuk pangan rayap
Aja sok dadi pahlawan
Yen uripmu kaya montor mabur
Jaran andhong ben mlebu musium
(Djaka Lodang No. 07/XXVII, 12 Juli 1997)

 
KRETA
Dening: Turiyo Ragilputra

 
Kretane sapa ngener lumaku tanpa leren
Nrabas grumbulanpitakonan mripat-mripat luyup,
Apa isih ana lodhangan kanggo pawicaran tandha pepisahan?

Angin dadi banget anyes lan nggegirisi
Nalika petungan wis ora tumiyung marang ancas tuna bathi
Ati mung nggetuni lelakon awit ora ana sing bisa dibawa bali
Saliyane selembar gendera tanpa warna
Sekadar kanggo tandha
Jangkah iku wis tumeka gisiking segara
(Djaka Lodang No. 07/XXVII, 12 Juli 1997)

 

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

 
forumwayang

Ngrembug Wayang

andhalang

꧎ꦺꦃꦻꦁꦕꦄꦶꦼꦄꦆꦶꦍꦸꦊꦞꦶꦼꦀꦼꦓꦶꦁꦿ꧋

indonesiawayang.com

Media Berbagi Para Pecinta Wayang

Maskur's Blog

Menyusuri Jalan Rusak

rykiriko

This WordPress.com site is the bee's knees

SUJARNO DWIJO SUSASTRO

Sinau Basa Jawa Klungsu-Klungsu Yen Udhu

Seputarafitta's Blog

Just another WordPress.com weblog

%d blogger menyukai ini: