RSS

Kinanthi

Tembang Kinanthi mengku pasemon bocah cilik kang isih kudu digandheng, didhidhik utawa digulawenthah dening wong tuwane sakloron sarta guru. Tuladha tembang Kinanthi sarta guru wilangan lan guru lagune :

Kinanthi Surya Candra

Surya, candra lawan daru, (8 u)
Myang kartika iku sami, (8 i)
Gung kaliwat padangira, (8 a)
Datan ana kang madani, (8 i)
Nanging isih kalah padang, (8 a)
Yen katandhing ninging ati. (8 i)

Kinanthi Serat Rama

  1. Nalikane rohing dalu,
    Wong agung mangsah semedi,
    Sirep kang bala wanara,
    Sedaya wus sami guling,
    Nadyan ari sudarsana,
    Wus dangu nggenira duling.
  2. Kukusing dupa kumelun,
    Ngeningken tyas sang apekik,
    Kang kawengku sagung jajahan,
    Nanging sanget angikibi,
    Sang Resi Kanekaputra,
    Kang anjok saking wiyati.
  3. Teka ndadak melu-melu,
    Kaya budine wong ceplik,
    Lali lamun kalokengrat,
    Tri bawana amurwani,
    Mustikaning jagad raya,
    Dhemen lalen sangga runggi.

KINANTHI ANOMAN DUTA

  1. Anoman malumpat sampun,
    Prapteng witing nagasari,
    Mulat mangandhap katingal,
    Wanodya yu kuru aking,
    Gelung rusak awor kisma,
    Kang iga-iga keaksi.
  2. Pinandeng sarwi tumungkul,
    Anoman ngiling-ilingi,
    Sarta mirsakken karuna,
    Sumedhot tyasira nenggih,
    Iya iki baya-baya,
    Kusuma Putri Manthili.
  3. Medhun ing pranggak tumungkul,
    Anoman sarwi ningali,
    Umengetaken sesambat,
    Sangsaya inggil hyang rawi,
    Sakenjing genya karuna,
    Kusuma Putri Manthili.
    (Serat Rama : R. Ng. Yasadipura I)

Tegese tembung – tembung wigati
Prapteng = prapta + ing (tembung garba) = tekan
Mulat = ndeleng, ngawasake
Wanodyayu = wanodya + ayu = putri ayu
Kuru aking = kuru garing
Gelung = gelungan
Kisma = lemah
Kaeksi = katon
Pinandeng = dipandeng
Sarwi = karo, kanthi
Mirsakken = ngulatake, nyawang
Karuna = nangis
Tyasira = atine
Iya iki baya-baya = iya iki sajake
Kusuma putri Manthili = kekembange putri Manthili = Dewi Sinta
Pragak = pang gedhe
Umengetaken = ngematake
Sesambat = celuk-celuk
Inggil = dhuwur (awan)
Hyang rawi = srengenge

 

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

 
forumwayang

Ngrembug Wayang

andhalang

꧎ꦺꦃꦻꦁꦕꦄꦶꦼꦄꦆꦶꦍꦸꦊꦞꦶꦼꦀꦼꦓꦶꦁꦿ꧋

indonesiawayang.com

Media Berbagi Para Pecinta Wayang

Maskur's Blog

Menyusuri Jalan Rusak

rykiriko

This WordPress.com site is the bee's knees

SUJARNO DWIJO SUSASTRO

Sinau Basa Jawa Klungsu-Klungsu Yen Udhu

Seputarafitta's Blog

Just another WordPress.com weblog

%d blogger menyukai ini: