Hartati

NGURI-URI TEMBANG JAWA REREPENE WONG BIYEN
PETHIKAN MANCA WARNA
Sekar Dhandhanggula
Dening : S. Warsito

1. Bantal panjang yen dalu tan guling,
Padhang bulan kekadhar neng latar,
Thenguk-thenguk lingguh dhewe,
Angin ngidit sumiyut,
Saya kekes rasaning ati,
Rumongsa yen wong lola,
Tanpa bapa biyung,
Yen rina karanta-ranta,
Lamun dalu kelingan ra duwe dhuwit,
Sapa kang melasana.

2. Kuning-kuning adhine sing kuning,
Kuningira gawe lara branta,
Wong kuning luwes dhong-dhinge,
Katon nglela wong ayu,
Yen sarean katon nglamlami,
Ing dhuwur manuk garudha,
Abang netranipun,
Ja nucuk ing mripatira,
Anucuka bebaya beka wong kuning,
Kareben tutug nendra.

3. Kuning-kuning kuninge mathing-thing,
Astanira nggandhewa pinenthang,
Midhangira andhetheng,
Thi-athi pating clakenthung,
Katon wela,wela tur cetha,
Ing dhuwuring bathuk,
Ngagema kebayak pethak,
Acundhuka warnane sekar melathi,
Ngemba putri Wiratha.